Pionsen sa mont

dong - ding - dong - ding…

La ciampana da Sacun sona l'Anmaria:
Audide ma ce bel!…
Y tan lonc rundenëscel fin sëura mont via:
Audide ma ce bel!…

L gial à da giut bele ciantà!
Echo: bele ciantà…
L surëdl vën sëura mont ca!
Echo: l vën ca...

Cialëde, cialëde, l mond ie ndurà,
i crëpes, la pizes di lëns s'à mpià.
Pionsen sa mont!
Pionsen sa mont!
Pionsen sa mont!
Pionsen sa mont!
tralla - tralla…
tralla - tralla…

Sci, jon te Mastlé, sun Stevia y jun Val,
s'la buvon y cianton y fajon ënghe n bel bal.
Desmincion i festidesc, la fadia y l sué,
sun chësc mond te Gherdëina iel for plu bel sté!…

Sa Bula, Mont Sëuc y te Pana se n jons,
de bon' eghes buvons, biei ciofes tlupons,
tal Juan, ta la Bula y ja Dosses cherdons:
unide, unide, mutans y mutons!…

Ziplon, depenjon y n turnon d'uni sort;
a chi ne se lascia n pesc, ne fajons degun tort:
ladins sons de raza, Tiroleri for stac,
son strambi de lauré y nia stlec de fé ac!...

Jodler: Holladiridio - tiriaridio - Holladiridio – tira ho…!

*Da sëira*

dong - ding - dong - ding…

La ciampana da Sacun sona l'Anmaria:
Audide ma ce bel!…
Y tan lonc rundenëscel fin sëura mont via:
Audide ma ce bel!…

La gialines ie da giut te stalot!
Echo: te stalot…
L surëdl ie ënghe bele jit sot!
Echo: bele jit sot…

Cialëde, cialëde, l mond va a durmì!
A cësa, a cësa lascënes mé jì!
A duc na bona nuet!…
A duc na bona nuet!…