Mat sciche n puron

Over, pol y tosto, figo, ma heavy,
chësta ie la rujeneda d’al didancuei,
no fé massa stressn, la va pa bën,
che tu ies n gran lën, chël savons nëus bën.

Ma ce style y take it easy,
ma tu ies’a fleshà o mat sciche n puron,
n tipo da gara, chël ie pa peas,
chël ie pa n fët, ma ie son n maghët.

Maissamat ce figo che l ie stat,
a jì a fé texas ne se ons mei stufà,
ncuei da sëira vëniel jit inò a suné
nchin che ne stajon nia plu mpe.

Po’ ons ancuntà i ciodi, patënt y librët,
foss’ a i avëi nia malët.
Mucion bel snel tal Luisl a se tò n got,
po’ su te medel, ma chël ie pa bel.

Y po’ ti la taché a na tipa: “Co es’a inuem?
Ie son Jhonny, n drë’ bestion.“
Ma śën se n peiela via, cie ti ei pa fat?
Cun i bidons sons ie bele usà!

L di do ce stanch, muesse jì a scola
da duc ch’i maestri che ie ora dla cola.
Chëst ann mé diesc cincs, chëla va pa bën,
ajache l ann passà fovi n majer lën.

Domesdì iel bel tëmp, dai jon cun i schifree
y po’ da sëira al’ëiles ti frì,
po’ iel mo n jump da paura y n slide, ce bel,
ma sce n ne sà nia da i fé, po’ se fejen drët mel.