L scrucon

Tu te raides cun l vënt, tu ies na bandiera
y ti minonga ie dinrer mé senziera.
Tu fejes cumplimënc sce l te ie cunvenient,
tu ies na bandiera, te raides cun l vënt.

Tu mienes de vester na persona mpurtanta
ajache cun i vips te lasces udëi dan la jënt,
ma la cossa che ie mo la plu ntressanta,
tu ves mé a scroch, mienes deguni ne se ntënd.

Tu dijes de savëi bëndebò nëut,
te rejones belau sciche n tel aucat,
ma de duta ch’la bela y gran paroles
ne ses perdrët nianca si senificat.

Śën che te vëiji muessi t’l dì, śën te cunësci, śën ei capì
y ënghe sce tu me dijes ie ne n'é pa rejon, śën ei capì,
tu ies n scrucon.

Tu te raides cun l vënt, tu ies na bandiera
y ti minonga ie dinrer mé senziera.
Tu fejes cumplimënc sce l te ie cunvenient,
tu ies na bandiera, te raides cun l vënt.

Y pona ti des a uniun dl tu,
n grum de cumpanies iel for bon avëi,
dantaldut sce l se trata de zachei de cunesciù
sce n cajo che l jiss’ de bujën de n plajëi.

Cun ti udleies a la top gun ves ncantëur bel ndrë su,
tu ies l figo dla situazion, ma mët mé a verda scenó tomes dojù.

Śën che te vëiji muessi t’l dì, śën te cunësci, śën ei capì,
y ënghe sce tu me dijes ie ne n'é pa rejon, śën ei capì,
tu ies l scrucon.

Śën che te vëiji muessi tl dì, śën me cunësci, śën ei capì,
y ënghe sce tu me dijes ie ne n'é pa rejon, śën ei capì,
son ie l scrucon.