La storia dl rë

Chi de vo cunësc pa la storia
de chësc rë che belau duc cunësc?
Sce chirëis te vosta memoria
possel vester che ël da nzaul cumparësc.
Un l vëija ti cialan a n cumpani,
n auter dij chësc ie pu chël da inier
o povester iel chël che dai ani
cëla ora dal spiedl, pu chësc sons pu ie.
Ël sta iló te ch‘la bela cësa,
povester fossel miec ti dì palaz.
Ël leva uni di permò da marënda
y domesdì val for a spaz.
Ël ne n’à drë de se cruzië de nët nia,
ël à chëi che l servësc,
ël à chëi che ti lëura, ël ne fej pa fadia.
Chi dijëssa pa che n tel patësc?

Ref.:
Dut cie che l pea ite ti garata,
dut cie che l pea ite à n gran valor,
duc sà nsci iela for stata,
y nsci sarala per for.
Dut cie che l pea ite ti garata,
dut cie che l pea ite vel tant sciche or,
ël ie l rë, ël ie chël che cumanda,
ël ie l plu fertunà da for.

Nvidia, nvidia, tan de nvidia,
ti à belau duta la jënt,
nvidia, nvidia, deguni ne se nmagina
che ël ie tan melcuntënt.

Duc vëija for mé cie che n tel à,
deguni ne sà cie che l sënt.
Cie che ël se damanda ti vën pu for fat,
pu po’ ne saral tan n gran spavënt.

Ref.

A duta ch’la ëiles che ël à abù,
ti al dant o do dat l ceston.
L’unica, la sëula che ël ëss’ ulù,
chëla ti à dit de no.
Dut si or y dut si avëi
ne n’ova nia fat gran fazion.
Ëila ti à dit de no l ulëi,
nianca per dut l or de chësc mond.

Dut cie che l pea ite ti garata,
dut cie che l pea ite à n gran valor,
duc sà nsci iela for stata
y nsci sarala per for.
Dut cie che l pea ite ti garata,
dut cie che l pea ite vel tant sciche or.
Ël ie l rë, si inuem ie mida.
L ti mancia mé zeche y chël ie l amor.

Ël dij: “De dut chësc mi avëi,
ne sé tosc nia plu cie me nfé,
n’iel pa deguni sun chësc mond
che ulëss’ baraté?”

Dut cie che l pea ite ti garata,
dut cie che l pea ite à n gran valor,
duc sà nsci iela for stata
y nsci sarala per for.
Dut cie che l pea ite ti garata,
dut cie che l pea ite vel tant sciche or.
Ël ie l rë, si inuem ie mida.
L ti mancia mé zeche y chël ie l amor.