Bera Tëis

Ncuei muons a varons ulache l vënt nes mëina,
sciche dal’ultima cëina i apostuli sons de na desëina,
son ciariei sciche de patins i ciamps da Frëina,
casco dla Briko y ntëur al col na gran ciadëina.
Udleies da gara y sun i Stöckli n pue’ de bocs,
a fé l skipass chël jons nëus cun i Crocs,
su cun l lift, ju te utia, su sun mëisa, ju tla loches,
cun i badli che bruja sciche la vëta do la snops.

Ncuei sons tlo cun la lia de chëi dal bon got,
ne sté pa a tò su mpënies che ncuei ons bele n drë not.
Duc ie de bona ueia ajache on duc l drë floch.
Y tu? Ma tu ies’a pesoch!!

Macaron de n gran baloch,
ies’a bele inò ruvà cioch?
Menà sciche n sraufl te ai udù,
muesses’a bën for la peté ju?
Macaron de n gran baloch,
ies’a bele inò ruvà cioch?
Pier cun ega ne baratëis,
i te dij bele Bera Tëis.

Mi vista ie dassënn asnibleda, ie vëije da redëus,
son stlet sciche n Fernet, la mosula cianta y bel plan vëniel linëus.
Sun l liet de ch’la jëuna ti ei mo lascià mi camejot tachëus,
la copa dl mond chëla me ei inier bu, ma ne me lecorde pa de vester stat bëus.
Y mi tacuin ie bel uet,
15€ a buanda, nia l muet,
bel plan mor ora nosc luech,
l daunì te Gherdëina ie scur sciche la nuet.
Sce ëi almanco na snops te paiessa,
juntan mo 2€ de coperto, ti ies’a?
Sce ne te ies nia patin, po’ ce ca**o ues’a?
Ne sé nia sce bradlé o sce jì a me fé na sciessa.

Ncuei sons tlo cun la lia de chëi dal bon got,
ne sté pa a tò su mpënies che ncuei ons bele n drë not.
Duc ie de bona ueia ajache on duc l drë floch.
Y tu? Ma tu ies’a cioch!!

Macaron de n gran baloch,
ies’a bele inò ruvà cioch?
Menà sciche n sraufl te ai udù,
muesses’a bën for la peté ju?
Macaron de n gran baloch,
ies’a bele inò ruvà cioch?
Pier cun ega ne baratëis,
i te dij bele Bera Tëis.

Y mi cë raida y raida, o raida pa l mond?
Sciche na codla da biliard o bala de nëif fovi ie inier inò l plu turont.
Mpo me à ch’la jëuna mustrà si gran condles y duc si autri mplanc portamont,
sciche n sculé zënza tinta ne sons mpo no sta’ bon de ruvé al pont.
Jì a uet sciche na pela d’instà,
sciche na sponga mbuà,
la lënga ie suta sciche na tloza, ma chëla lezion ne ei mo mei mparà.
Mutons, śën pra banco jons,
po’ mustrons chi che ie mo for mac sciche i purons,
ncuei duta l’ega ai ciofs ti lascions,
y cun l got mpontaut na viva fajons.

Na viva, na viva, ulons’a mo fé…

Macaron de n gran baloch,
ies’a bele inò ruvà cioch?
Menà sciche n sraufl te ai udù,
muesses’a bën for la peté ju?
Macaron de n gran baloch,
ies’a bele inò ruvà cioch?
Pier cun ega ne baratëis,
i te dij bele Bera Tëis.