Pitla ustoria

Tla val de Gherdëina sons ie nasciù,
na drëta bona oma me à bën trat su,
y dan mi uedli iel truep da udëi,
co dëssi pa fé cun mi pitl savëi.

Ma po’ n bel di na usc bën me dij,
tue massaria y ne udëi dut tan grisc,
per l’oma y pitli lëuri de di,
ma pona de nuet me mëti a scrì.

Ref. O lëura, o lëura, ma fete cunfin,
che zënza mpeniedes l nemich ie daujin.

I pitli che dorm nchin che l vën di,
ma sona achiet che i muessa durmì,
mi notes po’ sona for plu y plu lonc
per vo che m’audieis daujin y dalonc.

Cun mi puech suné ulovi fé vo cuntënc,
ma pona n bel di sons unì dai strumënc
cumpanies unide, unide a cialé,
povester pudëis vo bën me cunsulé.

Ref. O lëura, o lëura, ma fete cunfin,
che zënza mpeniedes l nemich ie daujin.
O lëura, o lëura, ma fete cunfin,
povester dut chësc à mpo mo n bon fin.