Dl'aurela

Ie é na pitla storia da cunté,
de cie rujenons'a uni di
canche vede a me bever n café.
Sun Plaza, o te ustaria o nzaul d'auter?
Po‘ vëiji mefun duc canc che sauta,
na prëscia ai;
ite tla banca, via dala posta,
ite tl'azienda, ora dl'azienda.
I te binca mé plu ca y ne te dij nianca plu “hoi co vala“,
i te binca mé ajache i à tan
na gran prëscia, ma....

Po‘ me pënsi ma, tolete pu dl'aurela,
sëntete ju cun mé, ciaculon n pue',
buonse zeche, buonse n café,
o zeche d'auter, ma sambën che....
L semea che duc canc posse
se bever I café mé mpe,
se spaza y druca ju chësc café,
na prëscia ai...

Ie dijëss' mefun, cialonse ma n pue' ntëur
chësta bela valeda, de beliscimi crëps,
on propi scialdi bel,
I ie tan da bestia bel tlo.

Penson ma do, sons'a boni
de se goder chësta belëzes,
sons'a boni de udëi dut?
Ie rate de no, ne on nia dl'aurela.
Giaurion ma i uedli.
L ne me sà nia da crëier
che n se lecorda mo,
de avëi tan n bel Saslonch.

Ajache ie ne rate pa nia che on
dl'aurela de ti cialé uni di,
perchël diji, tulonse dl'aurela,
ciaculon n puech,
jon n pue' a spaz, tulon nosc
mutons y jon,
la fëna y jon a spaz cun i jëuni.
Vivon nosta vita, I ie pu tan da bestia bel.

Tulonse dl'aurela, dl'aurela, ie pa chësta
na parola tan fulestiera, dl'aurela.
Dijonsela a nëus nstësc, dl'aurela;
dl'aurela per cie?
Pu dl'aurela per mé nstës.
Dl'aurela per chëi che on gën, dl'aurela,
dl'aurela de viver nosta vita.