Virus Corona

Canche l virus ie passà y mé puec s’à damandà
sce l fova bon o stlet, mei assé de chëi da set,
po’ ne n’ai mo nia capì che n pudëss’ da chël murì
y che n dëssa sté dedit’ a s’la bev’r y s’ maië it’.
Sci l virus ’s à platà y bën tanc s’à amalà,
l’economia al scanà, cie che vel ie sanità.
Y la fiëura m’suri a duc, dl’economia ie chisc i fruc,
cun n scrit poss’ jì via y ca, ies cuntënt ch’ i n’ t’l à tacà.
Canche chësc sarà passà y n drë’ sotsëura al lascià,
mé tl luech al rumà su, degun cian n’ furnea plu.
L’aria ie śën bona y nëta, mët mé a verda che d’gun t’ la pëta,
es na mascra ch’ t’ cuer it’ dut, cun n tel tlima jiss’ pu d’snut.
Y dal “Corso” nchin sa “Dëur”
ne vëig’s d’gun cian, nianca n seniëur
ch’ jissa su y ju cul cian, basta l virus, diaul malan!
Y zech’ un che va a pe t’ astiela ora, n’ sà co fé,
s’ cuer it’ l mus y nce la bocia, bestia mata, ce aria tocia!
D’gun te dà śën plu la man, vester iel dovia l malan
che tu n’ ses nia cie ch’ un à, magari l virus “corona”!
Finà via de s’ ancunté, nianca n pue’ s’la ciaculé,
t’ ustaria d’gun café, poss’ sté a cësa y t’l fé!
Ma i mutons à gran vivanda ne ciafieia nia tla veranda,
bel a cësa y fé nia a pën, tl prim mumënt iel bel dassënn.
I muessa ora al’aria frëscia y chël śën riesc bel de prëscia,
energies ài da vënder, sibe l grant che nce l mënder.
L ie pu monce tan bel brum y di auti degun fum,
la natura se refej, mort l virus, chël me plej!