La nuet

Mé ie son mo tlo tl liet y ne zede nia a mi suenn,
l pensier for mo pra té, l cuer sciche uet.
N uet che me geve nstës lascian jì mi fantasia.
L ie n pensier che me mucia y
che me porta demez da chël che sënte per té.

Tla man sënti mo l liber
che ove scumencià per desmincë,
l ie mo for tan tler l lecort
de chisc dis passei,
chësc vëiji mo śën, chësc vëiji mo
danter la risses, po‘ sënti mo tan bën:
la man n pue‘ spevia y tan fina che smilova mi massela.

Ma l ie pu mé la nuet che me fej sentì mel,
che me druca tl corp, che me sfrëida la man.
Ma l ie pu mé la nuet che me fej pensé do
y ne lascia capì, cie che sarà vëira duman,
daduman.

L ie tan sot l sentimënt
che crësc bele da menut a menut
y l ne ie nia da spieghé; po‘ vëiji dan mé –
l ie sciche n nibl de fuera, de culëures,
sciche pensieres zënza fin y rejon,
la tëma lesiera de na fertuna
che passa te na aurela.

Ma l ie pu mé la nuet che me fej sentì mel,
che me druca tl corp, che me sfrëida la man.
Ma l ie pu mé la nuet che me fej pensé do
y ne lascia capì, cie che sarà vëira duman,
daduman.