Nchersciadum

Ti cële ala nëif che toma
dal ciel bel plan ju
y mi pensieres fej
n var de reviers
l ie pu inier che fan
mo duc adum ntëur al lën.
Ie é nchersciadum ma ne posse nia jì a cësa
dal’autra pert dla sief la nëif for plu blancia
y ti cële al troi che porta a cësa,
ma ne posse nia jì iló
ruvé iló y sté iló
danter mé l daunì y l passà
te mi cuer iel dut scur
y ie aspiete sun na lum.
Ie ue me n jì
dalonc da tlo
per desmincë
chël che ie passà
sun n sas me ei ie sentà
y é pensà coche la storia sta
sun n troi muessi ie śën jì
jan de viers de mi daunì.
Ie é nchersciadum, dut cant se à mudà
dal’autra pert dla sief la nëif for plu blancia
che me fej pensé al Nadel a cësa,
ma ne posse nia jì iló
ruvé iló y sté iló
danter mé l daunì y l passà
te mi cuer iel dut scur
y ie aspiete sun l linëus.
Ie ue me n jì dalonc da tlo
per desmincë
tan bel che l ie sta‘
sun n sas me ei ie sentà
y é pensà coche la storia sta‘
sun n troi muessi ie śën jì
jan dl viers de mi daunì.
Cun l passé dl tëmp sons stat bon
de desmincë tan bel che l fovaaaaaaaa
y mi nchersciadum vën suflà demez dal vënt.