Chalet Gourmel

Vëta a man drëta, vëta a man ciancia,
sce la ne te dà nia corda cun l gurmel sëura, po’ mancela.
Ciapel y vel’ da brancia, tol pea WD-40,
ncuei te chirons na landa che te onj ite la gherlanda spiza.
La piza sbavizia che tosc dala picia spriza,
sce la à na pëiga y n pue’ de hectar, t’la marides’a?
Una che chier fonc mpede follower, po’ iela tia,
na dura y de cultura, perchël jons tla Val Badia.

Crëps a man dërta, crëps a man ciampa,
chi ch’é n iade gnüs da nos, nia saurí ne s’un sciampa.
Cajincí dal sponsor, batadú cun Elon Musk,
al é n püre diau, sast’, porchël ciafel le Guest Pass.
Ince Dolasila - chëra ó ma plü bollicine,
pelicia de muntagnola y parföm de Conturines,
sciöche canche an se perd la Rolex, iö ne vëighi nia l’ora,
(che) chël bordun da ricun finalmënter se tirela fora.

A fé bel – cun l gurmel,
Sharm El-Sheikh – cun l gurmel,
monc’ sce ësse n di da me maridé – cun l gurmel.
Ie ne adrove nia Chanel,
son cuntënt cun l gurmel

A nudé – cun l gurmel,
da Nadel – cun l gurmel,
bele canche fove mo do Saslonch – cun l gurmel.
Ie ne adrove nia Chanel,
son cuntënt cun l gurmel

Dolomit - sas y scaia, Dolomit - Sassicaia,
ascuend ma la steles, nëus ne son nia plu fac de paia.
Chalet do tl diziuner ajache l ie iust dan man,
Val Gardena mpede Gherdëina per fé plu retlam.
Ti chalet ala cianel dla Chanel, ma ce bel,
vie cun mé a ti chalet a mi Chalet uriginel:
dut ie SPA y l’ega de spina gourmet.
Desmëncete chi che te foves
y mei plu tl spiedl chalet.

Chi à pa udù Marianna,
mé plu una sciche n’autra,
semea ju de mascin, ma po’ sota la chëutra
cereda, zareda y nianca adurveda,
fërm ie l penel, merë no vagheda.
Do n mur de baujaries che nianca ëila nstëssa
ne n’ie bona de crëier, nfat tant che la ulëssa.
Degun ne n’ie senzier, sun chi po’n pa se lascé,
sce n ne sà nianca nstës cie che n dëssa mustré.
Hmm, bel gurmel! Mostra ma la vëtes.

A fé bel – cun l gurmel,
Sharm El-Sheikh – cun l gurmel,
monc’ sce ësse n di da me maridé – cun l gurmel.
Ie ne adrove nia Chanel,
son cuntënt cun l gurmel

A nudé – cun l gurmel,
da Nadel – cun l gurmel,
bele canche fove mo do Saslonch – cun l gurmel.
Ie ne adrove nia Chanel,
son cuntënt cun l gurmel