El nos ciampanin

Le res sete e sento ra cianpana che me dà el bondì e che me ciama a preà,
sora el noš cianpanin segn de ra noštra fè
ra sona duta ‘l dì
ra sentiron danoo co rua mesodì.

Ra cianpanes del noš cianpanin
res batocea fora fora duta ‘l dì,
par me dì chel che sucedar
o solo par me saludà.

Ogni croda come ogni persona ra da saè ce ora che l’è
Canche mancia zinche prima de ogni mesa no te pos te šbalià res sona sempre de tre
Ra so oš ra te darsonse dal outo,
come un pare t’insegna
co te ciama el bon Dio no štà a ruà tardio.

Se te sos par piaza al laoro o a štrafierà
e te sentes che te ciama el cianpanon.
Štatin un menuto ceto a preà
asà che le ra consacrazion.

Santa Caterina ra me feš saè che calchedun le su su a conoše el Signor
E co’l è sepoltura ignante e dapò mesa res me šcorse lasù
Io sei che anche là res podarei sentì sonà.

ra cianpanes del noš cianpanin
i res sente anche chi su in paradis.
I šlonga una man e i tocia el cianpanon
e nos non on pì da aè pašion.

E del vendres canche rua res tre ra me recorda el Signor co i la betù su ra croš
El vendres santo ogni an res taje dutes tre dis
on da špetà che rue Pašca
par sentì cenonè el canpanoto sonà.

Co le fešta granda ra cianpanes par fenì
res batocea fora fora duta ‘l dì.
Come el signor che pede a nos el s’in štarà
anche eres duto ‘l an res sonarà.