La vispula

Vispula ies’a merdë tan dassënn,
canche te tënie daujin bel sun l grëm,
ti blòt pitl nés y la pel faszinënta
mostra na grazia y na vita cuntënta.

La trëces stramuda al ghëurdl de vënt,
semea che l ciel sibe ënghe cuntënt,
l’ega burvanda turonda y tan granda
cuer ite n amor a forma de gherlanda.

Ref.

Ti uedli lucënc spiedla l sofl de Die,
forza gaierda che me fej mpië,
l firmamënt semea śën plu daujin,
mi gran legrëza ne n’à deguna fin.

L cuer cuchenieia a ti bela vista,
l manacia belau mo de jì n flistra,
ti abrac me dona na gran energia,
l juda a jì inant te uni fadia.

Vivanda de marueia che ie da taché,
cossa che n ne possa mei desmincë,
la plu sterscia putënza al mond ie l amor
y chël uei śën te scinché per for.
Ti uedli lucënc spiedla l sofl de Die,
forza gaierda che me fej mpië.

L firmamënt semea śën plu daujin,
mi gran legrëza ne n’à deguna fin.