Drët o no drët

Ses’a, no pa, sambën, dij’ pu,
ses’a, no pa, sambën, pu sambën, dij’ pu,
n vedl auto che semea n carët
y n grum de tel frata cassù sota tët
y pere y oma che dl dut mpermët
y tu che ne t’ rum’s nia su tan bel nët.

Cëli a ch’l un tan de zucher che l mët,
dal blot ch’ l à maià ne tirel plu degun pët,
y n tel berba che sta mpe dut bel plët
do n trëi goc zap’l via n dublët.

Y n artejan che va a fé mo n massët,
mesura y mesura cun n vedl passët,
scioldi a fosch ficëi it’ te n cassët,
sà pu duc dut y ne t’es nia plu n sucrët.

Iosl dla Posta che sona l curnët,
un a Urtijëi sofla adaut tl bassët,
y canche l violon sona zënza archët
po’ fej’l na rima che semea n sonët.

Y na tel ëila che abina l drët,
l’autra se mët su n profem da mughët
y la crabatl dut storta a drët,
bel desmincià de ficé ite l zafët.

... Ses’a