L mond dl diaul?

Zacan diji, fovel plu bel,
śën va mefun dut scialdi snel,
ntlëuta univ’l scintinà,
purtà o sburdlà o gor straicà.
Śën va truepa robes a mascin,
auzà vëniel mé plu l go’ de vin.

Ref.:
La cossa se muda,
śën va dut da sëul.
Ne n’ie pa chësc mond drë dl diaul?

Purté sun na sciabla n luson
per jì tla nevera sa mont,
ciarië y ciulé ju n pue’ bën
per io no ne pierder ju l fën.
Śën vën na mascin bel docà
y tol su l fën de dut l pra…

Ref.

Na lëtra scrijoven zacan
daniëura zënzauter a man,
per jì po’ dalonc o daujin
messovi mandé l pustin.
La e-mail se n va bel mpont
te n bisc gor dut ntëur l mond.

Ref.