Lech Sant

Sota Cuca y Secëda dorm tamez ai prei n lech,
tëunesc cueceni y tan de ciofs flurëscel dut ntëur drët bel.
Dal surëdl che tramonta monc y crëps ndurei,
brum dl ciel y nibles blances se spiedla te si eghes tleres.

Coche conta la lijënda fovel iló sun ëur dl lech
na capela drët blòta cun na ciampana y ciampanil.
Jënt da mont ch’ iló passova se fermova per prië,
ma nce rengrazië ulovi per dut l bel ch’ l ie sa mont.

Coch’ la storia pona conta à n valguni profanà
la capela tlo tan santa y Die si straufonga à mandà.
La capela ie arsida sot tl lech cun ëi adum,
ma n lamënt mo dla ciampana datrai trapassa l lech bel brum.

Lech Sant, Lech Sant, gën unions nëus su y pausson ti prei,
ma i mutons pra l’ega sauti riesc, cie chirerai pa mei?
Lech Sant, Lech Sant, al passà ti inuem pensé nes fej,
y jiron for gën sal Lech Sant: luech plën de pesc.