Cuntentëza

La cuntentëza ne ie nia da cumpré
n muessa pa mé se la cultivé.

Ijula plëina de n gran amor perdù,
zënza chël ne ëssen povester nia venciù.

Forza desminceda y sparida che vën inò a lum,
coche n ghëurdl d’energia che ne fej nia fum.

L cuer lesier y l spirt sarëin vënc uni situazion,
fil d’arjënt mujel che lieia adum dut bën.

De gran uedli fosc y spalanchei sun l mond,
manifestazion da descurì.

Vita nueva lascia lerch al desmincià,
vënt che porta inant na usc via y ca.

L flurì de n ciof, sené n pensier y
tlupé n’azion da inant,
zënza n’avëi nia da nes tré dant.

L rì de n fantulin, esprescion d’amor,
ne damanda nia n valor,
tënder sentimënt, ne cunësc mei na fin.

L cuer lesier y l spirt sarëin vënc uni situazion,
fil d’arjënt mujel che lieia adum dut l bën.