La ciacia

La sajon dla ciacia ie śën bele inò tlo
y la jënt dan dlieja vën adum sciche mustlons
ses’a chi, ses’a co, vëniel danz damandà
sci sun la ciacia al mus an bele tan ert aspità
i ujins maliziëusc, dë’n pa bën se nfidé
sci bel achiet y dut sucrët ie śën dut nosc fé
ti ciuleies magasins de munizions
y vel’ un se à armà de vel’ granata
sci vel’ granata...

Cumpanies śën jons
ulon n luech san y nton
y chi che ie autramënter
chël tulons y ndrezons...

Sci son tlo, la grupes ie śën bele adum
mancia mé mo l pluan – cun si benedescion
zera via zera ca, menei da n istint animal
al plu ghert va l ram y śën danora val
umans cun fazulëc bredla per la cumozion
nosc mutons per la patria ah chël bën, gën ca i dajons
i strategisć n bon lëur à fat y dut l luech
sciaudà y izenà...
sci, bel sciaudà y izenà...

Cumpanies śën jons,
ulon n luech san y nton,
y chi che ie autramënter,
chël tulons y ndrezons...
Cumpanies śën jons,
ulon n luech san y nton,
ma messon se rënder cont,
che on lascià n luech uet,
da stufé y monoton...