Dorm saurì, Gejù Bambin

L blanch dl sablon luna ti uedli,
la luna mostra la streda,
Ujep y Maria muessa se crì
n post per pudëi jì a durmì.
Inió ne n’iel lerch,
ëi muessa mucé,
bëndebò sul tert
abini n sté.

Dorm saurì, Gejù Bambin,
l’oma te nana,
bon ciaut iel te stala.
Ujep à na gota ti uedli, ciuldì?

Nosc Seniëur śën ies tu nasciù
te n post tan dassënn scëmpl,
ma sares propi tu
per nëus duc canc n ejëmpl.
Gejù Bambin, dorm saurì,
te ne es mo nia
cie che te aspieta tl daunì.

Dorm saurì, Gejù Bambin,
l’oma te nana,
bon ciaut iel te stala,
Ujep à na gota ti uedli, ciuldì?

Ti pere tl ciel à bele scrit ti streda,
la ne n’ie nia saurida, chël sei da te dì.
Duc te aspieta, ma nia duc te uel,
ma ntant cëla n angiul sun té.
Pitl coche te ies,
śën dorm mé bel,
ncuei ie la nuet
de Nadel.