La pitla Capela

Tlassù sun chël col iel na pitla capela
che cëla ju tla valeda,
uni di daduman abenëura
la pitla ciampana chërda uciei y flëura,
sun uni ciof na pitla gota de ruscel,
l surëdl fej dainora n pitl dinel,
nce l’eva che śëna ntëurvia
scumëncia l di y la fadia.

Din don di don don din don din don din don din din don din din
don din din don din don din din don don don

Su per la pitla streda de flaster
vën su cun la biesces l paster,
pra la capela se tolel la bria
de ti dì ala Madona n anmaria,
l pitl aniel cufà ju dlongia d’ël
ti cëla do a chël pitl pavël,
l rehl y l pëcalën
fej l cheder scialdi plu rich y plu plën.

L paur cun si fauc y si cudria
completa ch’sta bel’armonia.
L di passa y l surëdl fej si streda
y la prima dumbria dij che la sëira ie ruveda,
l viandant cun n plich de gra
rengrazia per l bel di che l ie sta’
y la ciampana che sona l’anmaria
y per nëus ie nsci finà l di y la fadia.