Per vester cuntënc

N di m’ei pensà, cie uel pa la jënt,
cie muessen pa fé per vester cuntënc?
Adroven pa roba, adroven pa grosc
o mo plu che dant? Ne bastel pa tosc?

Tanc ie pa po’ chëi che fej nia ngërt,
sc’ la va dut plu grant, plu lonch y plu lerch.
Bon fossel avëi riesc de dut for deplù,
deplù che l ujin? Can iel pa na fin?

Per vester cuntënc adroven pa puech,
per chëi che t’es gën n pue’ de dlaurela,
n doi trëi cumpanies che va sun ti streda:
n pue’ ciaculé y truep scuté su.
Per vester cuntënc n’adroven nia scialdi deplù.
Per vester cuntënc n’adroven nia deplù.
Per vester cuntënc adroven pa puech,
ciafië cun i tiei, ciafië cun l ujin.
Judé n pue’ a chëi che à plu debujën.
N pue’ s’la cianté y truep scuté su,
per vester cuntënc n’adroven nia deplù.