Vedla muta

L vën dit che son vedla muta
ma chël n’ie pa tan dandò
che n tel ël tlo dut ncomper
y mo messëi ti fé dut dant y do!

Ie me gode mi gheneda
nia ciamëijes da paidelné
y deguni che ne se lamënta
che la bales n’ie turondes assé!

Ma canche passa ch’l bel talian de suat
po’ me vën danz su n ciaut
y l cuer fej n saut y bat adaut!

Son belau n pue' grama, ti cialé do a n talian?!
Uleral pa che vede a sté cun si mamma!?
Dant vedi mpo mo a fé la cuega al pluan!

Ajache ie son vedla muta y chël n'ie pa tan dandò
n’ue pa n ël tlo dut ncomper
y mo messëi ti fé dut dant y do!

Cun si biei uedli y cun si fé tan dëuc
n di me al svaià ca: "Ciao bella, sei singol?"
Pu ce fundamënt!!

Ie feje dut per mi amore, le camicie, ce bel paidelné!
Vuoi canederli biei turondi?
Per n bacio uei ie for dut ti fé
acioche l uel tosc me maridé
y la mamma po’ per nëus cujiné y ël lauré
y ie paussé! Pu eh!