Mumënc

N bel mumënt, n sentimënt che me à senià l di
emozions tan daujin y mé da pië do.
Chi che te cosses scëmples vëij zeche de bel
cianté n cumpania o s'la cunté dlongia furnel.

Mi (ega) burvanda de culëures ei arichì
scutan su plu minonghes mi cheder se à mplenì
particuleres che nchin śën ne ovi udù...
Arjonje pizes che mei ne ësse credù.

Vede do al tepih cueciun, metù ju mé per mé
chël che me à dat la sburdla de crëscer, y de flurì.
Amiré y lecurdé, mpede pultré y mandé
strana nurmalità, a chëla che é messù me usé.

Mi (ega) burvanda de culëures ei arichì
scutan su plu minonghes mi cheder se à mplenì
particuleres che nchin śën ne ovi udù...
Arjonje pizes che mei ne ësse credù.

Me é sentà tla ferata, coche da giut ëssi d’ù fé
l mond da n tel pitl, pitl viere ie plu saurì cunscidré.
Derzedes de mprescions ei tëut su te mé
cie che fova nsëuralauter, śën plu tler ie per mé.

Mi (ega) burvanda de culëures ei arichì
scutan su plu minonghes mi cheder se à mplenì
particuleres che nchin śën ne ovi udù...
Arjonje pizes che mei ne ësse credù.
Nscila me ei cunesciù