Son jic sa Sacun al bal

Son jic sa Sacun al bal,
i balova dut al infal,
i balova che n udova la stëiles,
n n‘ cunesciova nia i ëi y nia l’ëiles.

Un de nëus dijova cialan:
“Degun‘ ëiles ne vëijen balan,
n vëij‘ pa mé blo‘ breies,
n aud unitant de drë svëies.“

Son jic do n usc a scuté su,
cie che n tlap d’ëiles se rujenova ju.
Ulon pa śën ve dì,
cie ch‘ uniuna ulova se crì.

Una dijova: “N ulëss‘ un da n palaz,
cater fanceles da jì for a spaz.
N rich ulëssi avëi,
chël foss‘ mi majer plajëi.“

Po‘ dijova n’autra lessù:
“N ulëss‘ un ch‘ me lechëssa for ju,
che pudësse balé y cianté,
y maië for tëurta y café.“

Po‘ dij mo na ëila daldò:
“A chësc ti l’ei fata dandò,
ma l s’l à pa bën meriteda
cun si musa che ie tan slaveda.“