Lecurdanza

Che fove n tel pitl mut che jiv‘ a me slusé,
chël me lecordi pa mo ncuei drët bel assé.
Che jive sun de tei puntons po‘ via Vastlé,
culëtes fajovi po‘, pudëis ve nmaginé.
La brea manaciovi suvënz de me zaré,
po‘ scumenciovi mefun a rené.

Ma canche fove po‘ majer, me lecordi mo,
fajovi bën puech de iust y drët, ma truep dandò.
Vivo’a mo per‘ y oma che cialova do,
ma ie ti muciove pa bën scialdi suvënz mpo.
I manaciova nchin d’unì po‘ a me tò,
sce pu che unive pa daniëura inò.

Ie son pa bel‘ vedl, śën ne sei plu tosc co fé,
ma dala mort ulëssi mpo m’la scapulé.
Dijëme pu zachei, prëibel, coch‘ ëss‘ da fé,
ie rate che l miec po‘ fossa for, suné y cianté.
Dijëme pu zachei, prëibel, coch‘ ëss‘ da fé,
ie rate for l miec – suné y cianté.