Pra noza

L ie festa, ciantëde, auzëde l got!
Na viva fajëde a chëi dal cribl nuef.
Cianton cun la nevicia, per l jëun ch’ la s’à giatà,
cun l jëun, ch’la blòta muta ncuei s’al maridà.

Rijons’la, gudons’la, cun prata y de bon vin,
che l plueve, che l nëive o debe l surëdl ciaudin.
Reston de bona ueia nfin che son nton,
tenionse cumpania pra chësta bela union.

A nosc biei nevices de cuer ti mbincions
ch’ i vive n bona y giate de drë biei mutons.
La sanità tenive, lauran cun fundamënt,
rafé cun massa bria, revina mé l cuntënt.

Na bona fertuna da Idie ve prions,
che L jude, y straverde dal rie y dal mel, vosc mutons.
Ma śën per finé via, na roda ulons mo fé,
n bal dala nevicia ulëss‘ unin giapé.

L ie festa, ciantëde, auzëde l got!
Na viva fajëde a chëi dal cribl bel nuef.