Jì a marcià

Chëst ann ne dàl pa plu cumpot
ne giape degun pëires!
Nianca n pëir mo, sapralot
nianca un da lascé udëi, cie da se daudé!
Cie ie pa suzedù cun chisc ëi?!

Jì a marcià de Segra Sacun
jì n pue' su y ju, se lascé udëi
foss’ tan bel giapé n pëir, n tel blòt pëir
ne son mia no tan dandò da resté zënza?!
N tel blòt pëir cun pinta cuecena
tl zelofan y mo cun rojula!

Chëi bon tëmps ie passei, cun scrit:
"Ich liebe dich“, "Sei la più bella“
"Tu ies mi Schotz“ o "Per mi blòta“
"Du bist die Nummer Eins!“

Cëla iló iel n tel jëun, chël n à monce cater!
L vën ca da nëus y passa via!
Po’ messons'a mé nëus jì a n cumpré
cie ues'a ënghe fé?
Zënza n pëir ne vedi pa a cësa!
No! Mei al mond!

Mi uem vën docà, n pëir de lën bel turnà!
L mëte sun credenz, cun i vedli pëires.
Chësc ie l pëir dl ann passà!