Pensieres da Nadel

Chësta ie mi ciantia da Nadel
a n grum ti sà chësc for inò bel.
La nëif, i cëiresc y la lum,
la families, duc adum,
n grum d‘ scincundes sota l lën.
Co sarala pa chëst ann,
sarons’a boni d’ujiné
o mé boni de strité?
On laurà giut per nosc bënsté
y mpo ne n ons mei assé,
na luesa, n sbeter y n juech
dut nes sà for massa puech.
Ma mi pensier va ala jënt sëula,
mi pensier va tla majons di spediei,
mi pensier va a chi che patësc dut l ann
y dajëssa dut per n tòch de pan.
Y sce chëst ann mudessans
mpede cumpré mé judessans?
Po‘ se sentiss‘ n grum bel‘ miec
y chësc mond ne deventëss‘ nia piec.
L fossa n pitl scumenciamënt,
per jì permez ai cueres dla jënt
y sce mi paroles ve fej pensé,
n drë bon Nadel ulëssi ve mbincé.