Doi uedli granc

Duc i pitli dorm
mé tu ies mo pra viere,
cëles ora cun ch’i uedli granc,
svaienc tla lum che luj.
Curì ie dut de nëif,
la pesc ie ncantëur,
audì po’n mé ti pitl cuer,
che nsnuet bat per l Seniëur.

N’aspietes’a nia l’ëura
che te chësta nuet
Gejù Bambin vën a te crì,
a te purté la pesc y te scinché l amor.

L’oma y l pere l sà,
che da giut te es tu semià
de ancunté l fantulin
che per for te ti cuer resterà.
Dut dorm y dut ie chiet,
mé per té mo dalonc ie l liet,
ajache Gejù ues tu aspité
y nsci pudëi ti cialé.

N’aspietes nia l’ëura
che te chësta nuet
Gejù Bambin vën a te crì,
a te purté la pesc y te scinché l amor.

Ma ti pitli uedli se stlij
tla nuet de stëiles che luj.
Y ënghe per chëst ann
tu, Gejù Bambin ancontes te ti suenn
n suenn tan bel, l plu bel
n la ueia de Nadel.

N’aspietes nia l’ëura
che te chësta nuet
Gejù Bambin vën a te crì,
a te purté la pesc y te scinché l amor.