Ciantia dl Avënt

Ciantia dl Avënt (Tlecanoht)

L Avënt ie bele tlo y tosc iel Nadel,
che l porte fertuna y dut l bel.

1. A duc te ch'sta cësa
la pesc y la union,
che n'ëise tan prëscia
y ulëve drët bon.

2. Na stua bona ciauda
cun n mur y n bon fëur,
n liet plën de flaura
po' sëis da seniëur.

3. Na sdredia de mëndri
de bona custion
y ch' ëise te stala
l bestiam sann y nton.

4. Che l'ercia dala blava,
sibe for mplenida
y l pëne dal pan
ve straverde da fam.

5. Che ëise bona spëisa,
daniëura sun mëisa,
y plën l ciulin
y n barijel de bon vin.

6. Che ciamp y puscion
porte truep y bon frut,
ti cuncoi de verzon
dëssel crëscer dldut.

7. Sibe bacan o scultëur,
dutor o depenjadëur,
dut porta a n bon fin
sce fat per l devin.

8. Che l lëur ne ve mance
y mei ne ve stance
y lassù la benediscion
dal bel Die prion.

9. Che n'ëis massa cruzi
y mei ciarestia
cun chisc bon pensieres
lascënes finé via.

10. Sce sëis per nes dé velch
dajënes debota
che ulessan jì a cianté mo da n'autra porta,
da n'autra porta.

L Avënt ie bele tlo y tosc iel Nadel!