Savëi englisc

Ma savëi englisc chël fos' tan bel,
i te capësc sa Bula ma nia a Ciastel,
te poss' jì a Tokio o a London,
mé nia a San Piere o a Laion,
ne se ntëndi danz no dainora,
ma chël me ie unfat a mi ie vede bas ora.

Hallo good morning uel dì bon di,
I go skiing ie vede cun i schi
y a l'ëura ti diji watch,
co dij'rai pa canch' i fej n poc.
Ëi vën ora d'auto y fej n pick-nick
po‘ muessi ënghe mo jì a tò I crich.

You can help me ala di' prëibel,
m'ei furà n ciodo ce da ulëi mel,
ca massaria, la roda mudi,
co ne po'n pa nia judé a na tel lady.
Ti é cialà y fove gonz abech
y si bel auto stajova dut cech.

Cherdon su Viktor de Cucheneis,
lady ce fejes'a tu ncuei do vëis?
I am here on holiday
and go to dance it' dal Savoy.
Ma ne sé nia englisc, I don't know,
ie rat' che I sib' miec se n crì una da tlo.