Ueia de Nadel

N auto nuef da fé damat, n ferrari ne fos nia mel,
lego, puzzle, playmobil, cie pudëssi pa mo me mbincé?
N pèr de schi, d‘ biei fusć leprò, manëces y ciauzei
y sota l lën na luesa y jadins.

Ue perduné a duc chëi, che me à fat de mel
y a chëi che n‘é ulgà, tosc l arà desmincià.
Che reste cuntënta y chël cun puech,
dut chësc uei me mbincé,
che son san y nton y cun duc for da ulëi bon.

Ref.:
Ueia de Nadel, me ncunforte bele giut,
mi cuer bat dassënn al pensier de chësta nuet.
Ueia de Nadel, linëus te dut l mond,
vie nce tu y festejea cun nëus.

La purga te n piz, feries iel, blëita śën arons,
nia da mparé, scuté su, cie che la maestra nes conta su.
La televijion śën mia ie, videojuesc dut l di
cie fajëssi pa, sce Nadel ne foss' nia plu?

Scota ma su, ie pa Nadel, mé dut chësc per té?
Ne ses'a nia, chi che ncuei de nuet ie nasciù?
Nosc Gejù, l redentëur, te stala a Betlem,
per salvé l mond y nëus mutons.

T'es rejon, ie é dut y tanc sta pa mel!
Śën perchël uei sentì gra mpede pretënder for.
Che reste cuntënta y chël cun puech
dut chësc uei me mbincé
che son san y nton, y for da ulëi bon.