Lum ti uedli

Dime, tan de ani saral pa śën bele ca
che te oves per l prim iede tucà mi man.
Dime, tan de ani saral pa śën bele ca
che te aspitoves ert sun mi prim var
y che ove udù la lum te ti uedli y ti rì che fej unì sarëin.

Uni var che fajove me purtova daujin a té.
Uni pensier che scumenciove finova via cun té.
Uni iede che me tucoves se fermova dut te mé.
Uni iede che me drucoves, se n jiva uni mel.
Y canche te tulove te mi braces, po’ sentivi che te lasces sun mé.

Y mo for te cëli cun i medemi uedli
y mo for me rëndi cont che sënte for deplù per té.

Y ses’a mo, canche me dijoves: “Dai, conteme zech' de bel, sci zech' de bel!”
Y ses’a mo, che pona ie rujenove y tu me scutoves su y po’
y ses’a mo, canche te cuntove dla stëiles y dla luna y dl ciel...

Y mo for te cëli cun i medemi uedli
y mo for me rëndi cont che sënte for deplù per té.

Y ti ani che à da unì
uei te purté, te tenì, te sté daujin.
Ti ani che à da unì
uei te scuté su, te cialé y te pensé.
Ti ani ch' à, che à da unì
tën’te pra mé,
lascete sun mé, coche tu es for fat.

Y mo for te cëli cun i medemi uedli
y mo for me rëndi cont che sënte for deplù
y mo for me rëndi cont che sënte for deplù per té.