Tlo da sëul

Prëibel dime tu ulache dësse jì.
Ne vëije nia plu l troi, la nuet se l à dlutì.
Ne me ove nia ntendù che l univa bel plan scur
y śën me ei tlo perdù, prëibel port’me al segur.

Tlo da sëul ne sons nia bon de abiné la streda,
tlo da sëul ne sei nia plu co jì inant,
tlo da sëul sons sciche n pop che bredla y deguni ne n’ie tlo a l nané,
tlo da sëul me sënti sëul zënza té.

Te damande n pitl aiut, l pudëssa pa bele basté
che te mpeies na pitla lum, pona udëssi inò assé,

pona udëssi l troi y pudësse jì inant,
pona ne fossi nia plu da sëul sun chësc mond,
pona ne fossi nia plu da sëul sun chësc mond.

Tlo da sëul ne sons nia bon de abiné la streda,
tlo da sëul ne sei nia plu co jì inant,
tlo da sëul sons sciche n pop che bredla y deguni ne n’ie tlo a l nané,
tlo da sëul me sënti sëul zënza té.

Prëibel dime tu ulache dësse jì, prëibel dimel tu.