Set contra un

Son pa ghert, cëla ma ca, da pitl fovi n tel secon,
me la paiove for dai autri, śën ei la forza de n lion.
Sce me ancontes cun mi turba son ie chël che à l ram tla man,
tenion adum sciche i lëufs, respet se fejen mé draman.

Ma dedite te me bel sot sons avisa sciche n snech,
la crosa ie dura, ma dedite son pa mé n tel pitl schit,
eh dedite te me bel sot me sënti pitl sciche n crot
y da n crot ne se tëm deguni, scencajo iel n pue’ da aricé.

No da n crot ne se tëm deguni y deguni ne uel avëi da nfé.

Ne me tëme da deguni, ah tu lascia mé unì,
nëus son set contra un y sce vel’ un à zeche da dì
po' se n giapel do la urëdles che l ti scibla l cervel,
sce te ues nes pruvoché messeres capì chël fej mel.

Ma dedite te me bel sot sons avisa sciche n snech,
la crosa ie dura, ma dedite son pa mé n tel pitl schit,
eh dedite te me bel sot me sënti pitl sciche n crot
y da n crot ne se tëm deguni, scencajo iel n pue’ da aricé.

No da n crot ne se tëm deguni y mé la mosces sal da pië

y datrai ulëssi vester propi una de ch‘la mosces,
che deguni ne po’ me udëi, ma ie vëije y aude dut,
te julësse ntëurite, udësse canche te ies da sëul,
es monce tëma da na moscia, te ies tan dëibl y desnut,

ajache dedite te té bel sot ies avisa sciche n snech,
la crosa ie dura, ma dedite ies tu propi mé n tel schit.
Eh dedite te té bel sot ies tu propi mé n tel n crot
y da n crot ne se tëm deguni, scencajo ies tu da aricé
no da n crot ne se tëm deguni y mé la mosces ses da pië,
no da n crot ne se tëm deguni, te ies suflà su sciche n palé,
no da n crot ne se tëm deguni y deguni ne uel avëi da nfé!