Nadel

L di se fej śën bel plan scur,
for plu y plu nëif auza l mur.
I piesc dlacei me n vedi tres zità …
speron che zachei se mëine picià!
Ma ntant sce n sautamënt ncantëur,
tasces y pachetli de uni culëur.
Povester iel laite n tò‘ de bon pan …
é bele da dis tan fam.
La jënt me passa via,
semea che i ne me vëij nia –
o che i ne uel nia me udëi.
Ti feji pa da spiedl dla puvertà te ëi?
Nadel, Nadel, ie pa chësc mond amalà?
Nadel, Nadel, m‘es’a tu desmincià?
Dliejes ei bele giut mé plu udù da dedora,
ma l frëit ne ie nia plu da tenì ora.
Gëure la porta, vede ite y me sënte ju,
ce bel che l ie l chiet da scuté su …
Muessa vester che m’é ndurmenzà,
la ujes de doi pitla mutans me à descedà.
“Ciuldì me cëles’a nsci?“
Una vën ca a me dì:
“Vie ch‘ on debujën de té,
la Madona per nëus muesses fé.“
Te na cësa ulache tan de mutons pere y l’oma à perdù,
ei fa‘ pea la storia dla nascita de Gejù!
Na storia che ti semea ala mia –
mé che a nosc pitl Die, ne ti ai dat nia
y a mi inò la vita.
La vita, tres Ël.
Nadel, Nadel, tu me es salvà,
Nadel, Nadel, la vita m‘es mudà.
La vita m’es inò da‘.