Sciche na berca zënza vënt

Sciche na berça zënza vënt o n cheder nia depënt,
sciche n ciof zënza pavël, o na nibla zënza ciel.
Sciche n surëdl che ne sciauda nia, o na lum che ne se mpea nia,
sciche na furmia zënza furmië, nsci zënza té me sënti ie.

Sciche n lën zënza fueia o n sunadëur zënza ueia,
sciche na rojula zënza culëur o n dlacin zënza sëur.
Sciche n surëdl che ne sciauda nia, o na lum che ne se mpea nia,
seiche na furmia zënza furmië, nsci zënza té me sënti ie.

Sciche la luna zënza stëila, o n arani zënza tëila,
sciche na plata ueta de papier, o n bosch spës zënza tier.
Sciche n aghel suià su o n saioch che ne sauta plu,
sciche na furmia zënza furmië, nsci zënza té me sënti ie.

Sciche n ucel zënza eles, o n lech zënza limbeles,
sciche na ciantia zënza melodia, o n strumënt che ne sona nia.
Sciche n aghel suià su o n saioch che ne sauta plu,
sciche na furmia zënza furmië, nsci zënza té me sënti ie.