Prima noza

Na scincunda fata, vibrazion d'amor
s'auza ntëur nëus via y lascia zeche per for.

Audide l batidlon, la ciampana y si sonn,
ansciudes, insteies, tosc iel inò d'autonn,
legrëzes demustredes, mueies n pue' scundudes,
ciofs de ciamp,
la negules debant, per chësc bel di sant.

L cuer ciaut bat dassënn, l'emozion se fej udëi,
l frëit vën ju per l spinel, ma l di ie for plu bel,
l or luj tla man ciancia, uedli moi, chëi ne mancia,
benediscion dal aut,
l pensier sbriscia inant, ma śën cie ei pa fat?

L'ëura dla vita vën nuteda su,
lizënza ufiziela per pudëi sté adum.
La piza, l pont plu aut, l amor ei cunesciù.
Deguni, nianca l tëmp, sarà boni de l desdrú,
speranza nraviseda, ilujion n pue' curida,
tunel iluminà, troi senià da na gran bontà.
Culëures vëijen śën ntëur ai uedli che se la rij,
n vënt tënder da festa renfreschea l'aria te n bisc.
I lëns ie dut n flëura, l surëdl che nes sciauda.
L tëmp scumëncia a jì,
l balanz unirà tenì sun l palch da uni di.