Ciantia dl'oma

A viver sun chësc mond ne n'iel pa nia for saurì,
uniun de nëus la drëta streda muessa se crì
y cun duc i cruzi de uni di che n à da nfé,
de na persona ne dëssen mei s' desmincë.

Ref.
Lecordete for de ti oma,
te n es mé una sun chësc mond,
I angiul che I ciel nes dona,
tlo per nëus te uni mumënt.
Da pitl insù te ala for judà y à cialà de té
y śën sce la te adrova ne lascela nia aspité.
Lecordete for de ti oma,
te n es mé una sun chësc mond.

Ëila te à trat su d’amor y ulova for ti bën,
nce sce l gra ie pitl, ëila te à for gën.
Suënz per té de gran festidesc, chël ala abù,
sun l mond la miëura oma chël ies tu.

Ref.