Ie dij' scapin! No, scufon!

Bele da for se an sciacà, cërta defrënzies iel for sta’
danter chëi da dlaite y d’Artijëi, chëi dij mëi!
Cun ch’sta globalisazion duc medemi deventons
mé nëus de Gherdëina zacan reston!

Ie dij’ scapin! No, scufon! Chi à pa rejon?
Pu śën l drë’ ladin chël ie danz mé l mie!
Ie é for mé dit nsci!
Codla o palé? Palé pelen la nëif!
Nia saurì se capì te nosta val!

Artijëi dijen papes y sondles dij chëi da dlaite
na sondla ie per mé na fëta de pan, pueh!
Ma cie dijes'a?!
Tatl o ciauzela? Cie parola ie pa plu bela?
Cie dij pa l Forni?
Ël mët coche prim ciauzela!

Ie dij’ scapin! No, scufon! Chi à pa rejon?
Pu śën l drë’ ladin chël ie danz mé l mie!
Ne audieis’a nia ce bel?!
Codla o palé? Palé pelen la nëif!
Nia saurì se capì te nosta val!

Ne fajon mé nia ibertraibën,
n’ie pu ipraupt nia grave sce n dij
coche chëi de Sëlva o d’Artijëi!
Gonz genau!
Hauptsoch che l ie n bel ladin y chël mo zënza fehlri
pu eigëntlich genau coche nëus rujenon!

Sce n dij scapin oder scufon, pue ngottsnomen!
Hauptsoch nia sokni! Ma pittschien!
Basta che n ne dij nia Kekselen!
No, ma onfoch schrecklich!
Kindri che spilnea te zimra, pu ollerhond!
Robe da matti, pu nfatti, ce mescedoz te un n Sotz!

Tulëve n Peispiel da nëus
n tel ladin perfekt chël ne ëis nianca mei audì! Ha tu nëus!
Y sun na tela dijons: Viva la Dreisprochigkeit!