La ciantia dl Pavël

La scola dan n valgun dis a śarà,
de sté for a cësa tan da stufé me sà,
cun mi cumpanies me savëssel bel a sté,
fé matades y cun ëi n pue’ me tripé.

Sce la rezeta dla bona ueia ues savëi,
poss’ jì te Sëlva, a S. Cristina o Urtijëi,
la maestres te aspieta cun plajëi,
n’ena passa tan aslune cun l PAVËL.

Ref.:
Oh pavël, oh pavël, ie me é tan ncunfertà,
oh pavël, oh pavël, cun té l instà plu bel sarà.

Uni di velch se lascerons tumé ite,
aldò dl tëmp dedora o dedite,
ala natura jirons a ti cialé
y tl bosch ënghe vel’ tier a sprigulé.

Vie nce tu cun nëus l ie pu tan saurì,
toles pea de bon ueia y l fla per t’la rì,
al pavël duc nëus cumpanies son,
ulon se respeté y vester daulëibon.

Ref.
Oh pavël, oh pavël, ie me é tan ncunfertà,
oh pavël, oh pavël, cun té l instà plu bel sarà.
Oh pavël, oh pavël, ie me é tan ncunfertà,
oh pavël, oh pavël, cun té l instà plu bel sarà.
Oh pavël, ie cun té y tu cun mé,
oh pavël, l ie tan bel a sté cun té,
yeah!